[Heimasíða]
[Lesefni]
[Verkefni]
[Fyrirlestur 1]
[Fyrirlestur 2]

Ágætu nemendur,

velkomin á námskeið um fjarnám og kennslu. Umræður og fleira má finna í WebCT námsumhverfinu hjá Kennaraháskóla Íslands. Ég hlakka til að vera með ykkur á þessu námskeiði og vona að hver og einn finni í námsefninu áhugavert efni og viðfangsefni sem eru bæði skemmtileg og krefjandi.

Markmið námskeiðsins er að nemendur hafi í lok námskeiðsins:

• aflað sér þekkingar á því hvaða fjarkennsla fer fram á Íslandi í dag
• kynnst ólíkum fjarkennsluaðferðum
• kynnst mismunandi hugbúnaði sem notaður er í fjarkennslu
• lesið sér til um ólík svið fjarkennslufræða eftir áhuga og kynnt fyrir samnemendum
• leyst stærra verkefni tengt fjarkennslu í samráði við kennara.

Ég reikna með að um mánaðarmótin maí - júní muni nemendur frá Bemidji State University bætast í hópinn og eitthvað af verkefnum verði unnin í samstarfi nemenda á báðum stöðum.

Hikið ekki við að hafa samband hvenær sem er í tölvupósti lara@lara.is eða síma (sjá ofar), hvenær dagsins sem er, kvölds eða morgun,  nema á laugardagskvöldið 24. maí því þá er Eurovision sem er alheilagur tími í minni fjölskyldu. Ég vil minna ykkur á dagatalið mitt en þar getið þið séð hvort ég er bókuð sérstaklega þann dag sem þið viljið hafa samband.

Ef þið hafið ábendingar eða athugasemdir varðandi áfangann, hikið ekki við að hafa samband.

Hlakka til samstarfsins
Lára