Verkefni

[Heimasíða]

Vinsamlegast athugið að viðfangsefni og tímaáætlanir verkefnis 2 geta breyst vegna samstarfs okkar við Bemidji State University. Einhver verkefni verða á ensku og í samstarfi við nemendur þar. Athugið að þið megið alltaf hringja í mig ef þið þurfið þess með hvenær sem er, síminn er 896-3357 og síðan auðvitað senda tölvupóst á lara@lara.is

Verkefni 1 - Skiladagur 31. maí - 10%
Efni:	Kanna fjarkennslu á Íslandi og fjalla um hana á WebCT
Lesefni:	Veljið efni (úr lesefnislista eða finnið annað)
Undir-búningur:	Hafið samband við kennara á lara@lara.is og fáið efnið samþykkt til að gæta þess að tekið sé fyrir gott yfirlit yfir þá fjarkennslu sem er til staðar í landinu í dag.
Lengd:	300-350 orð (heimildir ekki taldar með)
Efnisatriði	Stutt yfirlit yfir fjarkennsluna. Eigið mat á því hvað ykkur finnst um kennsluna. Heimildir (vefsíður og greinar - ekki með í orðatalningu)
Skil:	Setjið verkefnið undir umræðuþráðinn "Fjarnám á Íslandi" á WebCT. Hafið titilinn lýsandi fyrir efnið sem þið eruð að fjalla um t.d. "Fjarnám í VMA" ef þið eruð að fjalla um það.

Verkefni 2, umræður - Skiladagar 7, 14, 21 og 28 júní - 50%
Efni:	Félagslíf fjarnemenda: Félagslíf á Neti og með staðbundnum lotum. Eru staðbundnar lotur nauðsynlegar? Þarf félagslíf á Neti? Hvatning og upplýsingamiðlun: Hvernig eru nemendur helst hvattir áfram og hvernig miðla þeir upplýsingum sín á milli og frá kennara til nemenda. Námsefni: hvernig er best fyrir nemendur að nálgast námsefni og hvernig er best að miðla því? (Bækur, vefur, gagnasafn, umræður, annað) Samskiptahæfni á Neti: Hvaða hæfileika þarf að hafa til að nýta til fulls samskipti á Netinu við námið. Tækni og fjarnám: Skilgreina tæki og tól. Nauðsynleg tæknikunnátta. Tæknilegur stuðningur við nemendur. Umræðustjórnun: Hvernig er best að stýra umræðum á Neti. Hvaða aðferðir eru til og hverig er best að beita þeim.
Lesefni:	Af lesefnislista (takmarkandi fyrir suma þætti), leitið í Gegni og á bókasafni KHÍ. Athugið að gott er að vera búin að velja sér efni fyrir 4. júní til að nálgast efnið á bókasafni ef þess þarf með.
Tilhögun:	Nemandi velur 4 af ofangreindum 6 efnisflokkum að eigin vali til að fjalla um dýpri umfjöllun inn á WebCT. Í fyrstu viku þarf bara að velja eitt innlegg, hinar vikurnar þarf einnig að bregðast við umfjöllun annarra úr tveimur öðrum efnisflokkum. Ekki þarf að hafa samráð við kennara um hvaða efni er valið nema ef þið viljið bæta við efnisflokk. Athugið að einhverjir þeirra verða á ensku í samráði við Bemidji og einnig getur verið að einhverjir flokkar breytist.
Lengd:	Dýpri umfjöllun: 300 - 350 orð, viðbrögð 50-100 orð
Efnisatriði:	Stutt yfirlit yfir efnisflokkinn þ.e. það sem ykkur finnst mikilvægast. Eigið mat á efninu almennt og mikilvægi þess í fjarkennslu. Heimildir eru nauðsynlegar í dýpri umfjöllun en æskilegar í viðbrögðum. Teljast ekki með í orðatalningu.
Skil:	Setjið efnið inn á viðeigandi umræðuþræði með lýsandi heiti um hvað þið eruð að tala. Þið eruð þarna að hefja umræðu um tiltekið efni innan umræðuflokksins og aðrir bregðast við ykkar innleggi undir þeim þræði en hefja ekki nýjan þegar um er að ræða viðbrögð við því sem er þegar komið.

Lokaverkefni: Síðasti skiladagur 20. ágúst - 40%
Efni:	Veljið eitt viðfangsefni úr fyrsta eða öðru verkefni og kafið dýpra í það efni. Einnig má semja við kennara um að hanna eigin fjarnámskeið.
Lesefni:	Af lesefnislista, leitið í Gegni og á bókasafni KHÍ. Athugið að gott er að vera búin að velja sér efni fyrir 4. júní til að nálgast efnið á bókasafni ef þess þarf með.
Tilhögun:	Nemandi velur viðfangsefni og lætur vita af því á WebCT fyrir 1. júlí. Ágætt er að nemendur með sömu eða lík viðfangsefni vinni saman. Nemendur geta unnið einir eða saman.
Lengd:	Einn nemandi, 10 - 15 síður A4 Tveir nemendur 20 - 25 síður A4 Þrír nemendur 30 - 35 síður A4 Athugið að síðufjöldinn er einungis viðmið, skila má efninu sem vefsíðu eða í öðru formi í samráði við kennara. Heimildalisti er ekki innifalinn í viðmiðunarlengd.
Efnisatriði:	Yfirlit yfir efnið, hér er mikilvægt að geta heimilda, vísa í það sem hefur verið gert. Eigin umfjöllun, rökstudd með tilvísunum. Tillaga um hvernig best megi leysa viðfangsefni með góðum rökum.