Myndir á vef

Margir hafa gaman af að myndskreyta vefinn sinn og er hægt að nálgast myndir ókeypis á mörgum stöðum á Netinu. Gætið þess þó að taka aldrei myndir ólöglega, sum fyrirtæki eiga það til að senda reikning ef þau sjá myndirnar sínar á vef.

Hægt er að teikna sínar eigin myndir í tölvu, skanna inn myndir eða nota stafrænar myndavélar sem taka myndir beint á tölvutæku formi. Hægt er að laga myndir og breyta t.d. með Photshop forritinu eða Paint Shop Pro sem hægt er að sækja út á netið. Myndir eru ýmist á Gif-formi eða Jpeg-formi og notar gif-formið færri liti og eru þær myndir því oftast minni í bætum mælt.

Myndir og höfundarréttur

Hægt er að ná í myndir af síðum annarra með því að nota hægri músarhnappinn og vista á sinni vél. En hafa þarf í huga höfundarétt og alls ekki má vísa í myndir sem eru geymdar á annarra svæði. Fyrst verður að ná í myndina á þitt svæði og síðan er hægt að vísa á hana. Til eru myndabankar þar sem borgað er fyrir að nota myndir og þú skalt ekki nota ljósmyndir sem annar hefur tekið án þess að fá leyfi til þess. Hikið samt ekki við að spyrja um leyfi til að birta myndir á vefnum ykkar, það er aldrei að vita hvað fólk vill gera fyrir ykkur.

Myndir passi við efnið

Eitt þarf að hafa í huga við myndnotkun en það er að fylla ekki vefsíður af myndum sem koma efninu ekki við. Það er auðvitað allt í lagi að hafa smá skraut á vefsíðu en allt er gott í hófi.

Stærðir á myndum

Þegar unnið er með myndir á vefnum þarf að hafa í huga að tölvur t.d. Mac, PC, SGI og Sun nota mismunandi litakort, litaróf, litaskjái og skjástærðir. Þessi atriði hafa ekki verið stöðluð á milli mismunandi véla. Eitt atriði er vert að benda á en það er að Makkar virðast sýna vefsíður í daufari litum en PC og þarf því að hafa síður ljósari á PC vélum og dekkri á Mökkum til að geðjast öllum.

Vert er að hafa í huga að 56 kb módem flytji fjögur klóbæti á sekúndu og því er 240 KB skrá um eina mínútu að birtast á skjá notandans. Stærri skrá er auðvitað lengur að birtast. Sem betur fer hafa margir fljótvirk módem en alls ekki allir svo það þarf að huga að því hvað skráin sem geymir heimasíðuna er stór og hvað myndir eru mörg bæti. 

JPG og GIF

JPG og GIF eru algengustu myndaformin á netinu en einnig er til PNG sem gæti orðið vinsælt á næstunni. Passa þarf að hafa endingarnar .gif og .jpg alltaf með litlum stöfum svo að Unix vélar geti örugglega lesið þær. JPG formið passar vel fyrir litmyndir og myndir þar sem mikið er um litaskipti en ekki á myndir sem hafa stóra einslita fleti og alls ekki á svarhvítar myndir. Þegar verið er að vista skjöl t.d í Photoshop þá er farið í File/Save a Copy og valið JPEG og síðan er hægt að velja um Compression setting Low, Medium. High og Maximum. Gott getur verið að vista myndina á fjóra vegu til að sjá muninn og velja síðan það sem kemur best út.

Gif formið vinnur bara með 256 liti og eru til tvær gerðir, GIF87 og GIF89. Það fyrra er meira staðlað en það seinna er nýrra og er oft kallað TRANSPARENT GIF. 

Taflan sýnir hvað mismunandi bitastærð þýðir í tölvugerðum myndum.

Skjákort og myndir

Það fer eftir skjákortunum hvað skjáir hafa mikla upplausn og nota marga liti í myndum. Til að finna út á PC, Windows 95 vél, hvernig litakortið er í vélinni er hægt að fara í Settings/Control Panel og velja Display og síðan Settings/Color Palette. Í MAC er valið /Apple menu/Control Panel/Monitors/Setings. Algengast er í dag að vélar séu með 256 lita skjáupplausn. Vélar sem hafa 256 liti taka myndir og velja úr sínu litakorti lit sem kemst næst þeim lit sem er í myndinni (ditherin) og auðvitað geta áhrifin verið slæm. Því er betra að breyta strax mynd yfir í 8-bita frekar en láta vefskoðarann um það þegar myndin er lesin hjá notandanum en þó er betra að láta ljósmyndir vera áfram 24-bita. Ef þú vinnur á skjá sem er 16-bita þá er nauðsynlegt er að stilla sjáinn á 256 liti og skoða vefsíðuna þannig áður en hún er send út á netið.

Bakgrunnar og myndir

Þegar verið er að vinna með bakgrunn á vefsíðu er hægt að velja um að lát vefskoðarann setja litinn sem þá verður í ljósgráum lit eða setja inn liti, munstur eða myndir. Hægt er að láta vefskoðara taka litla mynd og breyta henni í skjámynd með því að endurtaka myndina aftur og aftur yfir skjáinn þar til hann er fullur. Vefskoðarinn þarf bara að ná í eina mynd, sem getur verið lítil, og þegar hún er komin þá er hún sett yfir allan skjáinn. Þetta spara auðvitað tíma fyrir þann sem er að skoða síðuna. Og síðan koma texti og tenglar ofan á bakgrunninn og þá þarf að hafa í huga að textinn sé í lit sem er læsilegur hverju sinni.

Það er nokkuð sama í hvað stærð við gerum bakgrunnsmynd hún fer yfir allan skjáinn en margfaldast mis oft eftir stærð. Ef skjáinn er 640x480 pixels og myndin þín er 320x240 pixels þá er myndin endurtekin fjórum sinnum yfir skjáinn, ef myndin er 20x20 pixels þá er hún endurtekin 32 sinnum. Ef þú vilt að ein mynd fylli út í skájainn þá þarf hún að vera í sömu stærð og skjárinn. Hægt er að nota gegnsæjar (transparent) GIF myndir í bakgrunn á vefsíðum

Fyrirsagnir og meginmál

Þegar við skoðum letur í vefsíðum þá er yfirleitt um að ræða fyrirsagnir og meginmál og eru fyrirsagnirnar yfirleitt hafðar stærri en meginmálið. Hægt er að breyta leturgerð, lit og leturstærð jafnóðum inni í skjalinu með. Einnig er hægt að vera með texta í mynd og þá er hægt að teikna hann á hvaða vegu sem við viljum. Í Word Web Wizard er t.d. hægt á einfaldan hátt að breyta lit á hvaða texta sem er og jafnvel einum og einum staf. 

• Fyrsta atriðið er að bakgrunnur trufli ekki. 
• Annað atriði sem þar að hafa í huga er að textinn sé brotin upp í efnisgreinar (málsgreinar) og notað sé feitletrun og skáletur til að vekja athygli á aðalatriðum.