Veffang

Á Íslandi enda öll vefföng og netföng á .is en í Bandaríkjunum er endingin þrír stafir t.d. .edu fyrir menntatnet (education), .com fyrir viðskiptanet (commercial), gov fyrir ríkisfyrirtæki.Í Bretlandi eru oft settir tveir stafir á undan .uk t.d. .ac.uk fyrir menntun (academic) eða .co.uk fyrir viðskipti(commercial). Sjáið nánar yfir endingar á vefföngum og netföngum.

Hver einasta vefsíða á Netinu hvefur sitt veffang eða heimilisfang. Veffangshólfið (Address box) ofarlega á vefskoðaranum sýnir veffang  þeirrar vefsíðu sem verið er að skoða.

Veffangið, einnig kallað URL (Uniform Resource Locator), er samsett af þrem aðalhlutum. Hver hluti er aðskildur með einu skástriki nema sá fyrsti sem er aðskildur með tveimur skástrikum. Fyrsti hlutinn í veffangi er alltaf http:// (HyperText Transfer Protocol) sem stendur fyrir HTTP samskiptareglu sem segir kerfinu að það á von á  stiklutexta (hypertext) sem er einmitt sú aðferð sem er notuð til að skrifa vefsíður.

Þetta er veffang Ásrúnar Matthíasdóttur en hún vistar vefinn sinn hjá Íslenska menntanetinu (ismennt). Menntanetið setur alla notendur undir veffangið http://www.ismennt.is/not/notandanafn. Skráarheitið sem vísað er í heitir index.html þetta er heiti sem vefskoðararar þekkja sem byrjunarsíðu í skjalasafni. Því má rita ofangreint veffang sem:

og fá alveg sömu niðurstöðu. Önnur skráarheiti sem eru þekkjanleg sem byrjunarsíður frá vefskoðurum eru t.d.: index.htm, Welcome.html, Welcome.htm, Default.html og Default.htm. Hér er annað dæmi um veffang (slóð) í vefsíðu sem ber byrjunarheiti:

Þegar þið eruð stödd í undirmöppu á einhverjum vef má ævinlega sjá hvar hann er hýstur með því að slá inn http:// (sem segir að http-samskiptaregla sé notuð) þessu má að vísu oft sleppa og aðalveffang t.d. http://www.ismennt.is þá lendið þið á heimasíðu vefsins sem hýsir undirsíðuna. Athugið að oft er hægt að giska á heimasíðu fyrirtækis eða stofnunar, ekki alltaf, með því að þekkja skammstafanir hennar eða heiti. Til dæmis  http://www.ma.is sem er Menntaskólinn á Akureyri en skammstöfun hans er þekkt sem MA. Annað dæmi væri Kennaraháskóli Íslands sem hefur skammstöfunina KHÍ sem hefur þá vefinn http://www.khi.is athugið að Í breytist í I þar sem séríslenskir stafir eru ekki notaðir í vefföngum. Annað dæmi er til dæmis Menntaskólinn í Kópavogi sem ber skammstöfunina MK. Hann velur sér að hýsa sinn vef undir Íslenska menntanetinu sem hefur veffangið http://www.ismennt.is og fær því veffangið http://mk.ismennt.is Leita má að vefföngum fyrirtækja og stofnana með leitarvélum þegar hyggjuvitið segir ekki beinlínis hvar á að leita.