Skráarflutningur

Skráarflutningur á Netinu er yfirleitt til að flytja vefsíður á sinn stað eða ná í forrit. Skráarflutningurinn er af s.k. ftp staðli sem stendur fyrir "File Transfer Protocol" og hefur fylgt Internetinu í langan tíma. Nú er aðgerðin yfirleitt falin inn í vafra á vef og í stað http:// stendur ftp:// og þá er kallað í ftp samskiptaaðferðina. 

Hér á þessari mynd má sjá myndina sem birtist í forritinu WS_FTP þegar verið er að flytja gögn á milli fyrir þennan vef, í vinstri hluta má sjá það sem er á okkar tölvu en hægra megin það sem er á tölvunni sem birtir vefinn í rauninni á Netinu, síðan má flytja skrár á milli:

Skráarflutningur er síðan oft notaður til að ná í forrit. Einn staður er á Download.Com en þar má finna ótrúlegt magn af forritum. Gæta þarf vel að höfundarétti oft má hlaða niður forritum til skoðunar en ef það á að nota þau þá þarf að borga fyrir þau síðar. Þannig eru t.d. "shareware" forrit en hinsvegar eru "freeware" forrit ókeypis.

Forit eru oft afar fyrirferðarmikil svo það tekur langan tíma að hlaða þeim niður. Þess vegna er þeim "þjappað" saman með nokkurs konar dulkóðun eða þjöppunaraðferð. Algengt forrit til að þjappa og afþjappa er WinZip en síðan eru forritin stundum með afþjöppunarkóðanum inni í forritinu.