Innranet (Intranet)

Innranet er net sem er einungis aðgengilegt innan staðarnets í skóla, fyrirtæki eða stofnun. Þetta hugtak vísar yfirleitt til vefs eða skjala sem eru einungis ætluð þeim sem starfa á því tölvuneti. Ástæður þess að efni er vistað á innraneti geta verið margvíslegar. Til dæmis vinna nemendur oft vefsíður fyrst á innraneti áður en þær eru birtar á Netinu (Interneti). Sumir kennarar vilja ekki að efni sem þeir útbúa fyrir nemendur sína sé aðgengilegt öllum heldur einungis þeim sem eiga að nota það við nám hjá þeim.

Stundum er efni á innraneti trúnaðarmál eða viðkvæmt efni í vinnslu og því óeðlilegt að það sé aðgengilegt öllum þeim fjölda manna sem nota Netið (Internet).