Vinnureglur við vefsíðugerð

• Jafnvægi þarf að ríkja á milli innihalds og útlits
• Innihald vefs skiptir ekki síður máli en útlit hans. Samræmi þarf að vera í hönnun á útliti og efnistaka. Hönnunin þarf að henta innihaldinu og öfugt.
• Þarfir notandans sitja í öndvegi því þær eru driffjöður Netsins
• Leitast þarf við að finna út hverjar eru þarfir viðskiptavinarins eru áður en vefur er gerður. Ef enginn kemur á vefinn er hann óþarfur.
• Vefsíður verða að vera læsilegar
• Notandinn verður að geta lesið boðskap síðunnar hvort sem hann er settur fram í texta, myndum, hljóði eða hreyfimynd. Varast þarf að láta einn þátt yfirgnæfa annan.
• Notandinn verður að sjá strax hvað síðan hefur upp á að bjóða
• Ekki má ofgera notandanum með of mörgum valmöguleikum og hann á ekki að þurfa að leita (skruna) til að finna möguleika síðunnar og því þarf að hafa eðlilega takmörkun á valmöguleikum.
• Umgengni um vefinn þarf að vera einföld og auðskilin
• Góð skipulagning og gott samræmi auðveldar alla umgengni. Notandinn þarf að vera viss um að hann sé enn á sama vefsetrinu og sjá auðvelda leið til fram og til baka þegar hann ferast um vefsetrið.
• Öllu efni á Netinu þarf að viðhalda
• Síða sem er ekki endurnýjuð rykfellur og er betra að loka henni frekar en að láta hana liggja á Netinu.
• Vefur þarf að vera límkenndur
• Þetta þýðir að fá lesandann til að staldra við og skoða meira sem og að koma aftur og aftur. Þetta næst með því að á vefnum sé alltaf eitthvað nýtt að gerast.
• Forðast ber allt efni sem er skaðar eða meiðir