Ef þú hefur aðgang að stafrænni
myndavél þá skaltu fá einhvern til að taka af þér mynd en ef þú hefur aðgang
að skanna þá getur þú líka skannað inn mynd af þér. Vistaðu myndina á
sama stað og textann úr verkefni 3. Athugaðu leiðbeiningar um skönnun
ljósmynda og töku á stafrænar myndavélar. Mynd af einstaklingi á
vefsíðunni er skemmtileg en aðgættu að sumir gætu verið viðkvæmir fyrir
því að hafa myndir á vef og ef þú ert undir lögaldri þá er
skynsamlegt að spyrja foreldra þína hvort það sé í lagi þeirra vegna að
mynd af þér sé á vefnum.
Á vefsíðunni getur þú líka
tengt í efni frá öðrum og þarf þá að passa að geta heimilda svipað og
gert er í ritgerðum t.d. fengið af vefsíðu hjá Jóni Jónssyni og hafa síðan
krækju á síðu Jóns. Efni frá öðrum eru oft myndir og um þær gilda auðvitað
höfundaréttarlög eins og um texta. Það þýðir að ekki má nota myndir frá
öðrum nema geta þess hver er höfundur myndarinnar og oft þarf að greiða höfundi
fyrir afnot af myndum. Nauðsynlegt er að láta höfund mynda vita ef nota á
mynd hans og fá hjá honum leyfi. Undantekningin er ef mynd er tekin af síðu
þar sem stendur að leyfilegt sé að taka myndirnar. En rétt er að tengja í
þá síðu til upplýsingar.