Verkefni 8

Ferðast um vefinn

Farðu yfir hvernig notandinn á að ferðast um vefinn þinn. Það er mikilvægt að allar síður vefsins séu aðgengilegar. Sjáðu til þess að vefurinn þinn sé aðgengilegur og gott að ferðast fram og til baka. 

Ef verið er að gera nokkrar samtengdar vefsíður þarf að huga að því hvernig notandinn á að komast fram og til baka á milli þeirra. Það þarf að vera hægt að komast á upphafssíðu (fyrstu síðu) frá öllum síðum og einfalt að komast á næstu síðu eða til baka á síðuna á undan ef það síður tengjast. Best er að nota alltaf sömu aðferð til að ferðast á milli síðna hvort sem notuð er orð eins og Áfram, Til baka, Á upphafssíðu eða  ef notaðar eru myndir, t.d. pílur, til að komast á milli. Þessir valmöguleikar þurfa að vera á sama stað á þeim síðum sem eiga saman, t.d. alltaf efst til hægri, alltaf neðst til vinstri. Notandinn þarf að vera alveg öruggur um hvernig hann getur ferðast á milli og á ekki að þurfa að leita um hverja síðu að þessum möguleikum.

Í myndasöfnum má oft finna myndir af pílum sem má nota (mundu að virða höfundarétt) en einnig gæti verið gaman a teikna sjálfur slíkar pílur.