Mjög
aðgengilegt er að gera einfaldar vefsíður en til að þær verði
skemmtilegar og geri gagn þarf að vanda undirbúning og alla vinnslu. Hugsa þarf
vel út í hvaða efni á að vera á síðunni og hvernig best er að raða því
upp. Einnig þarf að muna að allt sem sett er á Netið er á ábyrgð þess
sem setur það þar og þarf að lúta almennum kurteisisvenjum. Foraðst ber
öll gífuryrði, skammaryrði og blót eða annan dónaskap sem getur sært og
meitt aðra.
Söfnun upplýsinga
Útlitshönnun
Hönnun vefsíðna
Til
að koma efni út á Netið þarf að setja það í form sem vefskoðarar
(browsers) skilja. Fomið kallast HTML (Hypertext Markup Language) og bjóða mörg
forrit upp á þann möguleika að breyta skrám í html form (Save as web
page). En oftast er ekki nóg að taka efnið og setja það beint yfir á vefsíðu,
setja þarf efnið upp á þann hátt sem hentar vefnum, vefa efnið. Margskonar
hjálpartæki er hægt að nálgast á netinu til að nota við vefsíðugerð
en sumir kjósa að skrifa sjálfir allan HTML kóðann og dugar þá einfaldur
ritill (editor) eins og Notepad sem fylgir flestum tölvum
(Start/Programs/Accessories) en einnig eru til sérstakir ritlar til verksins.
Sem
dæmi um hugbúnað til vefsíðugerðar má nefna FrontPage™ sem er hluti af
Office pakkanum og Dreamwever™ en einnig fylgir hjálpartól með vefskoðurum
t.d. Composer með Netscape og (FrontPage™) með Internet Explorer™, til að
aðstoða okkur við verkið. Einnig má nefna forrit til myndvinnslu eins og
Paint™ (undir Start/Programs/Accessories), Freehand™ og Photoshop™ og
forritið Flash™ til að vinna með hreyfingu á vefsíðu.
Þú
skalt kynna þér hvað er til á þeirri tölvu sem þú ætlar að vinna á og
sækja þér fleiri forrit ef þú hefur leyfi til þess eða biðja umsjónarmann
tölvunnar að útvega þér forrit. Á Netinu má finna ýmis forritt.d. á http://download.cnet.com/
þau sem eru merkt freeware eru ókeypis (stundum bara í ákveðinn tíma) en
forrit sem eru merkt shareware þarf að borga eitthvað fyrir en notandinn
getur yfirleitt prófað forritið áður en greitt er fyrir það. Mundu að
senda greiðslu ef beðið er um það því að ólöglegt er að nota hugbúnað
án þess að greiða fyrir hann.