Verkefni 2

Undirbúa eigin vef

Notaðu þetta blað til að skipuleggja vef sem samanstendur af aðalsíðu og fimm undirsíðum.

1. Fyrsta útgáfan á að vera bein braut þannig að notandinn komist ekki í burt frá vefnum
2. Næsta útgáfa á að vera þannig að notandinn verði að skoða þrjár síður en geti valið um tvær.
3. Síðasta útgáfan á að vera þannig að allar síður tengist.

Þegar sjálf vefsíðan er hönnuð þarf að hafa margt í huga:

• Vinnulýsing: Hvaða verk þarf að vinna áður en hægt er að byrja á síðunni?
• Skipulag á hverjum skjá: Vefurinn sjálfur þarf að vera skipulega uppsettur en einnig hver síða. Gott er að rissa gróflega upp hvern skjá og sjá fyrir sér t.d. hvernig texti, myndir og valmöguleikar raðast upp á síðuna.
• Notendaviðmót: Viðmótið þarf að vera einfalt og skýrt. Það á ekki að þurfa leiðbeiningar til að nota síðuna. Miklu máli skiptir að miða notendaviðmótið við markhópinn.
• Skýr og nothæft: Finna þarf hvað takmarkar síðuna. Ef við erum með 6 ára börn í huga þá setjum við ekki langan texta á síðuna. Ef við erum með einstakling um sextugt í huga þá höfum við ekki mikið af skærum blikkandi myndum á síðunni. Finna þarf heppilega framsetningu þannig að sem flestir vilji skoða síðuna. Miklu máli skiptir að allir liðir séu skýrir og samhæfðir.
• Gagnvirkni: Ætlar þú að hafa gagnvirkni á síðunni. Hér gæti verið t.d. að svara spurningum eða senda póst, skrifa í dagbók eða skrá sig á póstlista. Gangvirkni getur verið flókin og þarf að kunna þónokkuð í forritun til að búa til gagnvirkar síður. En þó má nefna að út á Netinu er stundum hægt að finna tilbúnar lausnir og má t.d. það sem kallast applets sem eru litlir forrtisbútar sem oft bjóða upp á einhverja gagnvirkni eða hreyfingu á síðunni. Miklu skiptir að svörun frá tölvu sé skýr og einföld.