Víðnet

Víðnet (WAN, Wide Area Network) er það kallað þegar tvö eða fleiri staðarnet tengjast saman um langan veg og er þá átt við yfir hundrað kílómetra eða jafnvel þúsundir kílómetra.  Algengast er að nota símalínur til að tengja saman víðnet en í auknu mæli er farið að nota tengingar um gervihnetti, örbylgjusenda og ljósleiðara. Til að tengja saman mörg tölvunet í víðneti eru notuð tæki sem kallast beinir (router).

Stór og flókin stýrikerfi þarf til að stjórna víðneti m.a. til að stjórna sam­skiptum og gagnaflutningi. Símakerfið og Netið eru dæmi  um víðnet sem eru í mikilli þróun í dag.