Staðarnet

Hægt er að nota ýmsar aðferðir til að flokka tölvunet en algengt er flokka tölvunet eftir stærð og tengingum í staðarnet (LAN), borgarnet (MAN) og víðnet (WAN):

Staðarnet (LAN, Local Area Network) er net þar sem stuttar vegalengdir eru á milli tölva t.d. í skóla og á vinnustöðum. Uppbygging netsins er oftast sú að ein (eða fleiri) öflug tölva er netþjónn sem önnur tölva notanda biður um þjónustu. Netþjónninn afgreiðir beiðnina og aðarar tölvur verða að bíða á meðan. Slík beiðni gæti verið ósk um að tengjast netþjóni (login), sækja skrá í skjalasafn og margt fleira.

Stýrikerfi fyrir staðarnet eru frekar dýr og nokkuð flókin en stýrikerfið sér um alla vinnslu á netinu t.d. samskipti, aðgangsstjórnun, afritun gagna, keyrslu og dreifingu forrita og útprentun. Algengustu stýrikerfin í dag eru Netware frá Novell og Windows NT (eða Windows 2000) en þau bjóða upp á margskonar þjónustu t.d. einfaldar aðferðir til að endurstilla vélar sem hafa bilað og til að halda utan um notendur kerfisins.

Staðarnet samanstanda af netþjóni (server) sem er sérhæfð tölva notuð til að þjónusta netið og útstöðvum t.d PC og Macintosh vélum og fartölvum. Algengt er að fleiri en einn netþjón þurfi í skóla. Þessi netþjónar eru þá sérhæfðir til að vinna ákveðin verk og eru þá t.d. póstþjónn, skrárarþjónn og vefþjónn. Á staðarnet þarf einnig að vera eldveggur, sé staðarnetið tengt Interneti, sem sér um að hindra aðgang óviðkomandi inn á staðarnetið. Til að tengja saman tölvur á staðarneti eru yfirleitt notaðar tvinnaðar línur (twisted pair) og tengibox (hub, switch) .