Lára Stefánsdóttir

Við Hilda Torfadóttir vinkona mín fórum á kaffihúsið Halastjörnuna á Hálsi í Öxnadal í gær. Eigandinn Guðveig Anna Eyglóardóttir tók frábærlega á móti okkur og bauð upp á splunkunýja döðluköku sem var mikið góðgæti. Við höfðum lesið í Fréttablaðinu að hún spáði í bolla, spilaði og syngi og hefði gaman af því að strauja. Þetta þótti okkur frábært og þó hún vildi nú meina að þetta hefði verið spjall við blaðamanninn en ekki alvara gáfum við ekkert eftir og fengum fína spádóma úr kaffibollum. Mæli eindregið með þessu kaffihúsi!