Lára Stefánsdóttir

Nú stendur yfir opinn stjórnmálafundur Samfylkingarinnar á Akureyri og fullt hús, reikna má með að hér séu um 100 manns. Einar Már opnaði fundinn og ræddi stöðuna hann ræddi m.a. flugvallarmálið og stöðu landsbyggðarinnar. Ég hélt ræðu hér áðan og ræddi flugvallarmálið sem ég hef rætt áður, stöðu Háskólans á Akureyri og margt fleira. Kristján L. Möller kom á eftir og ítrekaði það sem hann hefur bent oft á áður að landsbyggðin situr ekki við sama borð þegar kemur að skattamálum. Nú er Össur Skarphéðinsson í pontu. því miður komst Ingibjörg Sólrún ekki vegna þess að flug féll niður frá Reykjavík.