Lára Stefánsdóttir

Tæknilegar unaðssemdir Ég flutti fréttirnar á vefnum mínum úr MySQL gagnagrunninum yfir í MoveableType sem er gríðarlegur munur. Sérstaklega er gagnlegt að geta flokkað færslurnar eftir því hverju þær tengjast og geta skoðað þær þannig. Á árinu setti ég líka upp myndaalbúm í forritinu Gallery þar sem komnar eru inn 1643 myndir í 11 myndaalbúm. Fyrsti myndbloggur með farsíma var sendur í júlí . Fyrsti talbloggurinn sem ég hef látið liggja inni hefur verið úr suðurferð okkar Oktavíu í afmælið hans Össurar. Tilveran Tilveran var frábær, ég fékk Harry Potter á útgáfudegi , fór í frábært frí til Portúgal sem má líka sjá í myndaalbúminu, grillaði í sumarbústaðnum, lék mér við dýrin mín og gekk með Hundagöngufélaginu Hundakofinn með Sigurlaugu formanni. Ég heilsaði upp á Eygló á Hauganesi, Gunnar á Fáskrúðsfirði og fór frábæra ferð í Öskju sem er líka í myndaalbúminu. Fjölskyldan kom í heimsókn um verslunarmannahelgina. Ég naut lista og menningar á Punktinum, Lystigarðinum, Handverkshátíð á Hrafnagili, Djangojazz á Akureyri, Fiskidags á Dalvík, listsýningar í Lystigarðinum, Berjadögum í Ólafsfirði. Ég byrjaði að vinna hjá Þekkingu og fékk frábært útsýni út um vinnugluggann. Þetta var sumsé frábært ár - gott að hafa það skráð og skjalfest;-)