Lára Stefánsdóttir

Velkomin af heimskautsbaug :) Var ég búin að segja þér að ég var hætt komin í jakahlaupi út af Hraunhafnartanga á yngri árum? Þannig að þótt ég hafi aldrei migið í saltan sjó hef ég alla vega þá reynslu að hanga á jaka með fætur í Íshafinu ...
Annars er ég logandi hrædd við að skrifa orðið komment, sé að sveitarstjórinn á Raufarhöfn hefur eitthvað móðgast þegar ég var að reyna að fíflast í þér, dúllan mín (sigaðir þú henni á mig? !). Sendi henni slóð á ljómandi fallega mynd af Raufarhöfn sem plástur á sárið (auk þess að ættfæra mig aftur í landnema þessa ágæta staðar, eða þannig ...) Svo er ég búin að tjúna einhvern grunnskólakennara í Reykjavík upp úr öllu valdi, með eigin bloggi og svo með því að minnast á Raufarhöfn í kommenti á hennar bloggi. Það er stuð, maður lifandi! Ég ætti kannski að halda mig við að rífast um UT, a.m.k. virðast menn ekki alveg eins sárir yfir ólíkum skoðunum á UT eins og öðru sem snertir skólamál ... Sem minnir mig á: Kemur þú ekki á UT 2005? Ég ætla aldrei þessu vant ekki að flytja neinn fyrirlestur en hef mikinn áhuga á að hitta fólk í kaffi (og helst á reyksvæðum en geri það sosum ekki að skilyrði). Svona "sýna sig og sjá aðra" eins og í messunum í gamla daga.

Auðvitað sigaði ég sveitastjóranum á þig - nei bara grín við vorum að skoða innleggið og þá var kommentið komið. En mér sýnist að þú hafir bjargað þér ágætlega út úr klípunni;-)

Já ég fer á UT og ekki með neinn fyrirlestur heldur svo við náum örugglega að hittast;-)

Kær kveðja
Lára