Lára Stefánsdóttir

Ég les og heyri, eins og aðrir, oft um sprengingar hér og þar í heiminum. Hvað margir hafa dáið og hvað tjónið er mikið í peningum. Því miður venst ég þessum fréttum og þær fá dálítið óraunverulegt yfirbragð. Í dag var hinsvegar annað upp á teningnum þegar ég las um sprengingar á hótelum í Amman í Jórdaníu. Þar var ég á hóteli í mars s.l. Hótel Intercontinental sem varð ekki fyrir þeim árásum sem nú eru en engu að síður verður þessi atburður talsvert nær. Jórdanía er afar fallegt land, staðsett nálægt ólgu viðburða en samt sem áður er erfitt að gera sér í hugarlund að maður gengi um gestamóttöku einn dag og lifði ekki meir. Í dag verða fórnarlömbin nálæg.