Ég var að skoða sundurliðun á nýrri skoðanakönnun hjá RÚV um fylgi flokkanna. Fyrirsögnin fjallar um að Árni Johnsen sé að sópa að sér fylgi. Þegar könnunin er skoðuð þá eru aðrir flokkar en Sjálfstæðisflokkurinn í Suðurkjördæmi að sópa miklu meira að sér þrátt fyrir að RÚV telji það ekki fyrirsögn, nei það er annar maður á lista Sjálfstæðisflokksins sem skal vera aðalnúmerið. Hvað sem tautar og raular. Þessi tvö prósent úr 39% í 41% eru að mati fréttamannsins aðalmálið en ekki t.d. aukning í Norðvesturkjördæmi hjá Frjálslynda flokknum úr 6% í 14% sem er ríflega tvöföldun. Engu sópar Guðjón að sér í huga þessa fréttamanns. Nánast þreföldun Frjálslynda flokksins í Suðvestur kjördæmi er heldur ekkert efni í fyrirsögn og ekkert verið að "sópa" neitt að neinum. Auking Vinstri hreyfingarinnar græns framboðs undir stjórn formanns síns Steingríms J. er heldur ekki nein frétt enda "bara" 4%.
Hinsvegar verð ég að viðurkenna að mér finnst vont að sjá niðursveiflu míns flokks í mínu kjördæmi þ.e. Norðausturkjördæmi úr 24% niður í 18% og mikilvægt fyrir okkur að skoða virkilega hvað við getum gert betur en nú er. Sjálfstæðismenn tapa einnig verulega eða 6% þó þeir séu í prófkjöri og áberandi þegar verið er að keyra þessa könnun. Það eru því greinilega sviptingar í pólitíkinni þessa dagana.
Áskrift að vefdagbók
Álit (3)
Árni karlinn er líklega bara merkilegri en hinir, tala nú ekki um hve útundan hann hefur orðið í fjölmiðlaumfjöllunum.
Burtséð frá allri kaldhæðni, þá er þetta mál sem ég hef lítið vit og skilning á sem slíku. En vissulega þykir mér napurt þegar einum er hyllt og öðrum gleymt.
Mánudagur 4. desember 2006 kl. 13:34
dæmigerðar áherslur fyrir bláskjá og ríkið.
Mánudagur 4. desember 2006 kl. 14:41
Þetta er bara mjög eðlilegt, með því að draga athygli að þessu þá er verið að búa til sigurvegara og auðvitað vill fólk vera í sigurliðinu og snjóboltinn fer af stað ;) Klassískt trix sem "fair and balanced" fréttastöðvarnar í Bandaríkjunum hafa stundað áratugum saman.
Miðvikudagur 6. desember 2006 kl. 13:27
Liðinn er sá tími sem hægt er að gefa sitt álit. Hafðu samband ef þú vilt koma einhverju á framfæri