Vann brons! (Lára Stefánsdóttir)

Ég er búin að vera óskaplega montin í dag enda vann ég bronsverðlaun á Ljósmyndakeppni.is í keppninni "Skammdegi". Ég náði þessum árangri með mynd sem ég kallaði "Klaki í skammdeginu".

Við vorum að ganga úti með Kát á Brávöllum eins og oft áður þegar Hrafnhildur Lára fann þennan klaka á kletti í fjörunni og kom með hann hlaupandi. "Amma þú hefur svo gaman af því að taka myndir af klaka" sagði hún. Svo ég tók macromyndir af klakanum og síðar þegar ég var að undirbúa þátttöku í keppninni fannst mér ein klakamyndin langbest. Ég bar klakann upp að skammdegissólinni og smellti af. Að vísu fékk ég nú fjölmargar athugasemdir að þetta væri nú ekki skammdegi en engu að síður gekk þetta upp og ég náði í bronsið. Ferlega stolt af því enda hef ég ekki fengið verðlaun nema einu sinni silfur úr keppni sem fimm tóku þátt í. Ehemm þetta var keppni sem var vegna ferðar til Amman og við Gurrý vorum eiginlega bara tvær í þeirri ferð og hún vann;-)

Mikið vildi ég að ég gæti eytt meiri tíma í þetta gefandi áhugamál því ég þarf að læra svo margt til að geta gert þetta betur. En þetta seiglast;-)

Álit (10)

Gúrúinn:

Til hamingju mín kæra. Þú eflist vonandi við þetta og tekur enn flottari myndir en áður og leyfir okur að njóta þeirra.

Þriðjudagur 10. janúar 2006 kl. 08:29

Lára:

Takk þetta var fallega sagt. Já ég má vera duglegri að setja myndir inn í myndasafnið mitt það er rétt og ekki síður að taka til í því þar sem sumt er óttalegt rusl;-)

Þriðjudagur 10. janúar 2006 kl. 09:36

Tryggvi R. Jónsson:

Til hamingju, skemmtileg mynd.

Þriðjudagur 10. janúar 2006 kl. 11:01

Harpa J:

Flott mynd! Til hamingju!

Þriðjudagur 10. janúar 2006 kl. 11:51

Eygló:

Til hamingju, skvísa :-)

Þriðjudagur 10. janúar 2006 kl. 13:54

Valgerður:

Flott mynd, til hamingju með þetta!